Börnin fjögur taka sinn toll af hjónalífi Angelinu Jolie og Brads Pitt. Leikkonan viðurkenndi í samtali við Marie Claire tímaritið að það væri erfitt fyrir skötuhjúin að finna tíma fyrir sig.
Börnin fjögur eru Maddox fimm ára, Pax Thien þriggja ára, Zahara tveggja ára og Shiloh eins árs.
,,Við erum að vinna í því" sagði leikkonan um prívattíma fyrir foreldrana.
,,Við sinnum Shiloh þegar hin eru í skólanum", ,,Á daginn fer ég í labbitúr eða eitthvað svipað með Pax og Zahöru" og ,,Maddox vakir lengst, svo hann á kvöldin."
Viðtalið ýtir undir vangaveltur um að Pitt sé að þreytast á fjölskyldulífinu, en slúðurpressan þóttist sjá þreytumerki á hinum 43ja ára Pitt á rauða dreglinum í Cannes.
Hjónaleysin eru sögð ætla að ættleiða annað barn, tékkneskan dreng.
