Richie óttast fangelsi

Nicole Richie óttast að hún muni fá sömu meðferð og vinkona sín Paris Hilton þegar ákæra vegna ölvunar­aksturs á hendur henni verður tekin fyrir hjá dómstólum í lok þessa mánaðar.

Richie var stöðvuð á bifreið sinni í desember á síðasta ári og var talið að hún hefði ekið undir áhrifum áfengis og lyfja. „Ég er mjög hrædd. En ég er líka tilbúin að taka öllum þeim afleiðingum sem gjörðir mínar kunna að hafa,“ sagði Richie í spjallþætti David Letterman.

Nicole hefur áður verið fundin sek um ölvunarakstur, árið 2003, og kveða lög í Kaliforníu á um að ef einstaklingur keyrir tvívegis undir áhrifum á tíu ára tímabili megi hann eiga von á fangelsisdómi frá níutíu dögum upp í allt að einu ári.