Hundrað tíma vinna

Söngvarinn George Michael hefur verið sviptur ökuréttindum í tvö ár og dæmdur til að starfa í þágu samfélagsins í hundrað klukkutíma fyrir að hafa ekið undir áhrifum vímuefna þann 1. október í fyrra.

Michael, sem er 43 ára, játaði sig sekan um lögbrotið. Kenndi hann þreytu og noktun lyfseðilsskyldra lyfja um athæfið. „Ég skammaðist mín mikið og vissi að ég hefði ekki átt að setja annað fólk í lífshættu,“ sagði söngvarinn fyrir rétti. Í yfirlýsingu sinni bætti hann því við að umjöllun fjölmiðla hefði verið farsakennd þar sem einblínt hafi verið á málatilbúnað saksóknarans.