Landsbankinn leggur fé í rannsóknarsjóð HA

Háskólinn á Akureyri og Landsbankinn hafa gert samning um að bankinn leggi eina milljón króna árlega í rannsóknarsjóð skólans næstu fimm árin. Samningur þar að lútandi var undirritaður í gær. Fram kemur í tilkynningu frá skólanum að með samningnum eigi að efla og treysta getu háskólans til að styðja við rannsóknir kennara og sérfræðinga við skólann.

Það voru Þorsteinn Gunnarsson, rektor HA, Birgir Björn Svavarsson, útibússtjóri Landsbankans á Akureyri, og Sigrún Stefánsdóttir, formaður sjóðsstjórnar rannsóknarsjóðs HA, sem undirrituðu samninginn.