Skólastjóri segir innbrotsþjófa hafa þekkt til í Austurbæjarskóla

Guðmundur Sighvatsson skólastjóri Austurbæjarskóla segir að svo virðist sem innbrotsþjófur eða þjófar sem rændu skólann um helgina hafi þekkt vel til. Þeir hafi til að mynda vitað hvar verðmæti á borð við fartölvur og myndvarpa var að finna í skólanum þegar þeir létu greipar sópa um helgina.

Enginn merki um innbrot fundust á húsinu og því er talið að innbrotsþjófarnir hafi komist yfir lykla að skólanum.

Spurður hvort þetta bendi til að starfsfólk eða nemendur liggji undir grun um að hafa brotist inn í skólann svaraði Guðmundur: "Þetta gætu verið fyrrverandi nemendur. Ég trúi því allavega ekki að neinn nemenda minna gæti gert eitthvað þessu líkt."

Þýfið úr innbrotinu fannst í Austurbæ Reykjavíkur í dag. Það er metið á allt að eina milljón króna. Lögreglan í Reykjavík vinnur að rannsókn málsins.