Þriðjungur ökumanna ók of hratt á Korpúlfsstaðavegi

Um þriðjungur ökumanna sem ók um Korpúlfsstaðaveg á einni klukkstund eftir hádegi í gær reyndist aka of hratt og á von á sektum. Eftir því sem segir í frétt lögreglunnar voru brot 37 manna mynduð þar sem þeir óku vestur Korpúlfsstaðaveg til móts við Bakkastaði. Alls fóru 116 ökutæki um veginn á þessari einu klukkustund.

Fimmtíu kílómetra hámarkshraði er á svæðinu en meðalhraði hinna brotlegu var 64 kílómetrar á klukkustund. Sá sem hraðast ók var mældur á 77. Lögregla var með eftirlit á þessum stað þar sem hún hafði fengið ábendingar úr hverfinu um að þarna væri ekið hratt.