Gefum friðnum tækifæri

Friðarsúla Yoko Ono verður tendruð á morgun á afmælisdegi Johns Lennon. Bítillinn Ringo Starr verður viðstaddur sem og Olivia Harrison, ekkja bítilsins George Harrisons. Ekki er útilokað að Paul McCartney verði viðstaddur athöfnina.

Kveikt verður á súlunni klukkan 19.25 annað kvöld og verður sýnt beint frá athöfninni á Stöð 2.

Yoko Ono og Sean, sonur hennar og Johns Lennon eru komin til landsins og hefur Yoko lítið annað gert í dag annað en að undirbúa tendrun súlunnar í fullum gangi.

Trymbillinn Ringo Starr er væntanlegur til landsins síðdegis á morgun til vera viðstaddur athöfnina annað kvöld. Hann mun stoppa stutt við og fara heim fljótlega eftir að athöfninni er lokið. Sagan segir að í síðustu Íslandsför sinni hafi hann drukkið ótæpilega af Koníak en hann hefur nú látið af allri drykkju og tekið upp heilsusamlegri lífsstíl.

Ekkja George Harrison, Olivia, mun einnig koma til landsins og enn er ekki hægt að útiloka að Paul McCartney láti sjá sig en hann er einn þeirra fjölmörgu sem fengu boðskort var í athöfnina.

Erlendir fjölmiðlar hafa sýnt athöfninni mikinn áhuga og sýnt verður frá henni víða um heim