Gæsluvarðhaldskrafa lögð fram yfir Hringbrautarmanninum

Lögreglan er nú að leggja fram kröfu fyrir Héraðsdómi Reykjavíkur um gæsluvarðhald yfir manninum sem var handtekinn fyrir líkamsárás í gær.

Friðrik Smári Björgvinsson yfirlögregluþjónn segir að krafist verði fjögurra vikna gæsluvarðhalds. Í samtali við Vísi sagðist hann ekki geta greint frá þeim upplýsingum sem fram hefðu komið við yfirheyrslur yfir hinum grunaða.

Eins og greint hefur verið frá lést maður eftir að hann fannst í íbúð sinni um klukkan hálftvö í gær þar sem að hann fannst rænulaus í blóði sínu eftir líkamsárás.

Það var kunningi mannsins sem gerði lögreglu viðvart. Hann er nú grunaður um árásina.