Hinsegin flamingóar ættleiða unga

Tveir samkynhneigðir flamingóar í Bretlandi eru orðnir stolir fósturforeldrar eftir að þeir tóku munaðarlausan unga undir verndarvængi sína. Carlos og Fernando hafa verið saman í sex ár. Þeir voru orðnir svo örvæntingarfullir að stofna fjölskyldu að þeir fóru að stela eggjum.

Þegar eitt flamingóhreiðranna í Wilford & Wetlands garðinum í Gloucestershire var svo yfirgefið, var parið efst á lista yfir fósturforeldra.

Eggið var sett í hitakassa þar sem fylgst var með því segir á fréttavef Sky. Þegar unginn litli leit svo dagsins ljós, var hann settur í gamla eggjaskurn sem límd var saman og sett í tómt hreiður Carlos og Fernando.

Parið fór fljótlega að tala við ungann inni í egginu, og stuttu seinna kom ungi litli út - aftur - en var þá fagnað af fósturforeldrum sínum.

Parið er himinlifandi og getur fætt ungann án kvenfugls - þeir framleiða mjólk í hálsinum.