Börn í einkaskólum fá ekki niðurgreiddan strætókostnað

Skólastjóri Tjarnarskóla segir að skynsamlegra hefði verið að öll grunnskólabörn fengju frítt í strætó en ekki einungis framhalds-og háskólanemar. Hún segir börn í einkaskólum ekki fá niðurgreiddan strætókostnað.  

Allir framhalds-og háskólanemar fá frítt í strætó frá og með þessu skólaári. Þetta er tilraunaverkefni Reykjavíkurborgar og er markmiðið að reyna draga úr bílanotkun nemenda.  Margrét Theódórsdóttir skólastjóri Tjarnaskóla segir að nokkurar óánægju hafi gætt meðal forelda barna í Tjarnaskóla um fyrirkomulagið.

Grunnskólabörn á höfuðborgarsvæðnu fá strætóstyrk búi þau langt frá viðkomandi skóla. Margrét segir börn í einkaskólum ekki fá strætóstyrk þó þau búi víða um borgina.  Þetta eigi einnig við um aðra einkaskóla á borð við Suðurhlíðaskóla, Landakot og Waldorfskóla.

Margrét segir öll grunnskólabörn þurfa að nota strætó til að komast í íþrótta og tómstundastarf og foreldrar keyri þau á milli.  Fengju grunnskólabörn frítt í strætó myndu þau einnig nota þá meira og bílanotkun minnka til muna.