Allt að gerast hjá Britney

Tvö ný lög eru væntanleg með söngkonunni Britney Spears og hefur þeim báðum verið lekið út á netið. Fyrsta smáskífan ber nafnið Gimme More en hin Cold As Fire.

Seinna lagið er í grófari kantinum og fjallar meðal annars um munnmök. Textinn er auk þess uppfullur af blótsyrðum.

Þá berast fréttir af því að söngkonan ætli að koma fram á MTV tónlistarhátíðinni. Spears er nú sögð vinna hörðum höndum að undirbúningi atriðis sem á víst að koma áhorfendum í algerlega opna skjöldu.