Mikill áhugi fyrir Tíma nornarinnar í Frakklandi

Mikil áhugi virðist vera fyrir glæpasögu Árna Þórarinssonar, Tími nornarinnar, í Frakklandi. Eftir því sem segir í tilkynningu frá JPV útgáfu kemur bókin út í næstu viku í landinu og nema biðpantanir nú þegar fleiri eintökum en útgefandinn, Métailie, hafði prentað. Því hefur þegar verið ákveðið að endurprenta bókina.

Bókin færi einnig góðar viðtökur hjá ritdómurum og til að mynda fjallað sérstaklega um samfélagsgagnrýni Árna Þórarinssonar í dómi stórblaðsins Le Monde. Bókin kemur út í fleiri löndum Evrópu á næstu mánuðum, bæði í Skandinavíu og meginlandi Evrópu.

Árni er ekki eini íslenski glæpasagnahöfundurinn sem nýtur hylli í Frakklandi því Grafarþögn eftir Arnald Indriðason var í fyrsta sæti á lista yfir mest seldu glæpasögur þar í landi í byrjun ágústmánaðar.