Gefur lítið fyrir ráðleggingar Hafró

Guðmundur Einarsson, skipstjóri í Bolungarvík, gefur lítið fyrir ráðleggingar Hafrannsóknarstofnunar um að skera niður aflaheimildir um þriðjung. Hann segir nóg af þorski í sjónum og nær væri að friða loðnuna.

Guðmundur Einarsson er meðal reyndustu sjómanna landsins, og byrjaði til sjós fimmtán ára. Hann er þekktur af mörgum fyrir að vera fyrrverandi skipstjóri á Guggunni.

Guðmundur hefur hvorki trú á ráðleggingum Hafrannsóknarstofnunar né skýrslu Hagfræðistofnunar um þjóðhagsleg áhrif aflareglunnar og segir fræðingana ekki þekkja muninn á þroski og ýsu.