Deildir sameinaðar í Háskólanum á Akureyri

Til stendur að sameina kennaradeild og félagsvísinda- og lögfræðideild Háskólans á Akureyri undir nafninu Hug- og félagsvísindadeild frá og með næsta hausti. Þetta kemur fram í tilkynningu frá háskólanum.

Þar segir að með sameiningunni eigi að styrkja námsframboð deildanna faglega, stórauka möguleika á að þróa nýjar námsleiðir á bæði grunn- og framhaldsstigi og greiða fyrir fyrirhugaðri lengingu kennaranáms í fimm ár. Með þessu skapast líka möguleikar á samkennslu og sömuleiðis á að vera hægt að draga úr stjórnunarkostnaði.

Hin nýja hug- og félagsvísindadeild mun skiptast í þrjár skorir í upphafi: lagaskor, kennaraskor og hug- og félagsvísindaskor. Æltunin er svo að sjálfstæð hugvísindaskor taki til starfa haustið 2009. Auglýst verður eftir deildarforseta hinnar nýju sameinuðu deildar innan tíðar.