Er Teri Hatcher að breytast í Michael Jackson?

Teri Hatcher úr Aðþrendum eiginkonum er þekkt fyrir óaðfinnanlegan líkama sinn og glæsilegt útlit þrátt fyrir að vera komin töluvert yfir fertugt. Nýjustu myndir benda þó til þess að hún sér farin að grípa til örþrifaráða til að halda sér ungri.

Hrukkulaust enni, pokalaus augu og strekkt bros í bland við svarta hárið gerir það að verkum að myndir af Michael Jackson skjóta upp kollinum.

Það er deginum ljósara að leikkonan hefur eitthvað látið eiga við sig og er bara að vona að hún láti hér við sitja.