Busta Rhymes kærður

Rapparinn Busta Rhymes hefur verið kærður fyrir grófa líkamsárás sem sögð er hafa átt sér stað í fyrrasumar og gæti Rhymes átt yfir höfði sér nokkurra ára fangelsi verði hann fundinn sekur. Rapparinn er kærður fyrir að hafa lamið hinn tvítuga Roberto LeBron í ágúst í fyrra eftir að sá síðarnefndi hafði hrækt í átt að bifreið Busta í þann mund sem henni var ekið brott af tónleikastað. LeBron segir að rapparinn, ásamt níu manna fylgdarliði hans, hafi látið höggin dynja á sér og þar á meðal hafi Rhymes sjálfur sparkað í höfuð hans þar sem hann lá á götunni. Busta neitar sök.