Handtekinn fyrir kynferðisárás og morð

Að sögn lögreglu í Essex hafa þrír menn, 32, 35 og 55 ára verið handteknir grunaðir um alvarlega kynferðisárás og morð.

Hinn látni, Stuart Lubbock var 31 árs þegar hann fannst fljótandi í sundlaug í garði Barrymores í Roydon í Essex. Krufning leiddi í ljós að hann hafði drukknað. Hann hafði mikla áverka á endaþarmi og í blóði hans fundust alsæla, áfengi og kókaín.

Hann hafði verið einn fjölda gesta í samkvæmi á heimilinu klukkustundirnar fyrir andlátið.

Lögreglan í Essex rannsakaði málið á sínum tíma, en enginn var kærður.