Veðjað á ölvunarakstur

Á bodog.com er hægt að veðja um hvaða stjarna verður næst tekin full undir stýri. Lilly Allen er þykir líklegust til þess enda eru hlutföllinn ekki nema 4/1 sem þýðir að fyrir hverja krónu sem veðjað er fær maður fjórar til baka ef maður vinnur.

Britney Spears og Amy Winehouse þykja greinilega líklegar til skandala, báðar með 6/1. Fyllerísbíltúr hjá Lindsay Lohan, þegar hún sleppur út úr meðferð það er að segja, gæfi svipað af sér eða 11/2.

Eigi maður erfitt með að ákveða sig er svo hægt að veðja á að hvaða leikari sem er í Lost verði tekinn fyrir ölvunarakstur. Vert er að geta þess að þeir þrír leikarar í Lost sem þegar hafa verið gómaðir við þá iðju eru allir hættir í þættinum.