Kominn í meðferð

Richie Sambora, aðalgítarleikari hljómsveitarinnar Bon Jovi, hefur skráð sig inn á meðferðarstofnun þar sem hann hyggst ná tökum á áfengis- og eiturlyfjafíkn sinni.

Mikið hefur gengið á í lífi Sambora að undanförnu. Ekki er langt síðan hann skildi við eiginkonu sína til nokkurra ára, leikkonuna Heather Locklear, og þá entist samband hans við Denise Richards ekki í nema nokkrar vikur eftir það. Til að bæta gráu ofan á svart lést faðir Sambora í millitíðinni. Eftir öll áföllinn virðist sem rokkarinn hafi ákveðið að leita huggunar hjá flöskunni.