Segir frumvarp sérsniðið að þörfum MS

Frumvarp landbúnaðarráðherra gerir meðal annars ráð fyrir því að lögbundið verðmiðlunargjald á mjólkurvörur verði afnumið og að heimildir verðlagsnefndar til að ákveða framlegðarkröfur á einstakar mjólkurafurðir verði styrktar.

Ólafur M. Magnússon, eigandi Mjólku, segir frumvarpið vera sérsniðið að þörfum Mjólkursamsölunnar. Hann segir ennfremur að frumvarpið sé samið af lögfræðingi Mjólkursamsölunnar, unnið á lögfræðiskrifstofu Logos og hann óttast að samsalan ætli sér halda áfram undirboðum á markaði.

Einar K. Guðfinnsson, landbúnaðar- og sjávarútvegsráðherra, sagðist í samtali við fréttastofu Stöðvar 2 vera hissa á gagnrýninni enda sé það markmið frumvarpsins að auðvelda samkeppni á markaði. Þá vísar hann því á bug að frumvarpið sé sérsniðið að þörfum mjólkursamsölunnar og segir ekki rétt að lögfræðingar samsölunnar hafi komið að gerð frumvarpsins.