Framlengir atvinnuveiðar á hrefnu

Sjávarútvegsráðuneytið hefur framlengt þann 30 dýra veiðikvóta á hrefnu sem sjávarútvegsráðherra heimilaði í fyrrahaust þegar hann ákvað að leyfa atvinnuveiðar á ný.

Eftir því sem fram kemur á vef Félags hrefnuveiðimanna hefði kvótinn átt að falla niður um síðustu mánaðamót þegar fiskveiðiárið 2006/2007 rann út en sjávarútvegsráðherra ákvað að framlengja kvótann til 1. nóvember. Enn á eftir veiða 23 hrefnur af kvótanum og segja hrefnuveiðimenn að mikil eftirspurn hafi verið eftir hrefnukjöti í sumar. Því hafi verið útlit fyrir að hrefnuveiðimenn færu tómhentir inn í veturinn.

Enn fremur segir á vef Félags hrefnuveiðimanna að hrefnubáturinn Halldór Sigurðsson ÍS muni fara út við fyrsta tækifæri og halda þannig áfram atvinnuveiðum Íslendinga á hrefnu.