Mótvægisaðgerðir skrýtið fyrirbæri

Ríkisstjórnin kynnti mótvægisaðgerðir vegna skerðingar þorskkvótans fyrir skömmu. Þær hafa vakið hörð viðbrögð stjórnarandstöðunnar, félagasamtaka og fólks í sjávarútvegi.

Davíð Oddsson, seðlabankastjóri og fyrrverandi forsætisráðherra, segir mótvægisaðgerðir hugsaðar til að koma í veg fyrir atvinnuleysi og nýlegar aðgerðir ríkisstjórnarinnar séu sérstakar þar sem ekkert atvinnuleysi ríki í landinu. Davíð vill ekki meina að mótvægisaðgerðirnar hafi verið feilspor en engu að síður skrýtið fyrirbæri.

Davíð vill ekkert segja um hvaða áhrif mótvægisaðgerðirnar hefðu hugsanlega á hagkerfið enda ætti það eftir að koma seinna í ljós.