Alvarlegum umferðarslysum fjölgar um nærri 40 prósent

Alvarlegum slysum í umferðinni hefur fjölgað um nærri 40 prósent á fyrstu sjö mánuðum ársins miðað við sama tíma í fyrra. Þetta kemur fram í samantekt Umferðarstofu sem byggir tölur sínar á lögregluskýrslum.

Fyrstu sjö mánuði ársins urðu 95 alvarleg slys en þau voru 69 í fyrra. Hins vegar voru banaslys færri á tímabilinu, eða sjö í á móti ellefu í fyrra. Þá hefur umferðarslysum í heild fækkað um nærri átta prósent fyrstu sjö mánuði ársins miðað við sama tíma í fyrra. Alls voru 4.750 slys á fyrstu sjö mánuðum síðasta árs en þau voru 4.375 á þessu ári.