Aðalstjórn ÖBÍ mótmælir skerðingum

Aðalstjórn Öryrkjabandalags Íslands mótmælir harðlega fyrirætlunum níu lífeyrissjóða um að skerða eða fella niður örorkulífeyri hjá annað þúsund öryrkjum og það kerfisbundna kjaraskerðingu hjá lægstu tekjuhópum samfélagsins.

Fram kemur í ályktun stjórnarinnar að margir sem verði fyrir skerðingu eða niðurfellingu hafi verið með á bilinu eina og hálfa milljón til 1700 þúsund krónur í tekjur á síðasta ári en frá og með nóvember muni tekjur sumra skerðast um allt að 40 þúsund krónur á mánuði. Eins og áður hefur komið fram hefur Öryrkjabandalagið falið lögmanni að undirbúa málaferli á hendur lífeyrissjóðunum vegna þessa.

Aðalstjórn Öryrkjabandalagsins kallar jafnframt ASÍ og Samtök atvinnulífsins til fullrar ábyrgðar á málinu enda stýri forsvarsmenn og fulltrúar þeirra samtaka jafnframt viðkomandi lífeyrissjóðum í sameiningu.