Brunnurinn við Brunnstíg vígður í morgun

Árni Sigfússon bæjarstjóri vígði í morgun endurgerð brunnsins við Brunnstíg við upphaf sögugöngu um Reykjanesbæ. Á brunnin er nú komin á ný dæla sem Árni notaði til þess að dæla vatni ofan í þyrsta göngufara en Árni gat þess í ræðu sinni við þetta tækifæri að skortur á neysluvatni hafi lengi verið mikill vandi á Suðurnesjum.

Árni segir að þeir brunnar sem fyrir voru áður en brunnurinn við Brunnstíg var gerður verið rammsaltir. Sú gamansaga hafi því gengið lengi vel á Innesjum að Suðurnesjamenn hefðu ævinlega með sér saltstauk er þeir kæmu í höfuðstaðinn til að strá í kaffið. Greint er frá þessu á vefsíðu Reykjanesbæjar.

Áður en brunnurinn við Brunnstíg, norðan Norðfjörðstúns, var grafinn á sinni tíð voru tveir brunnar í Keflavík. Þeir voru við Náströnd og Íshússtíg.

Þorgrímur Þórðarson læknir gat ekki fellt sig við stöðu vatnsmála í Keflavíkurþorpi, og í kjölfar tíðinda af taugaveikisýktu vatnsbóli í Reykjavík boðaði hann til fundar þar sem samþykkt var að Duusverslun myndi sjá til þess að ævinlega væru tvö vatnsból í tryggu og góðu standi í kauptúninu. Var fyrrgreindur brunnur annað þeirra.