Geir telur fráleitt að Sturla segi af sér vegna Grímseyjarferjumálsins

Geir H. Haarde forsætisráðherra sagði í hádegisviðtalinu á Stöð 2 að hann teldi fráleitt að Sturla Böðvarsson fyrrum samgönguráðherra segði af sér sem forseti alþingis vegna Grímseyjarferjumálsins. Geir sagði að Sturla hefði treyst Vegagerðinni og ekki gefið nein fyrirmæli sem leiddu til þeirrar stöðu sem er á málinu nú.

Geir segir að það sé svo aftur spurning hvort ferjumál eigi að vera á hendi Vegagerðarinnar. Þeim væri betur komið undir einhverri stofnun á borð við skiparekstur ríkisins þar sem menn hefðu sérþekkingu á skipaútgerð.

Það kom einnig m.a. fram í máli Geirs að eitthvað hefði brugðist við eftirlit með framkvæmdinni. "Þarna urðu mistök og við eigum að læra af þeim," segir forsætisráðherra.