Góður vöxtur á trjágróðri

Góður vöxtur hefur verið á trjágróðri í sumar um allt land þrátt fyrir ótta manna um að þurrkar gætu haft alvarleg áhrif á vöxtinn. Í einstaka tilfellum hefur þurrkur þó hægt á vexti, sérstaklega þar sem jarðvegur er gljúpur og þurrsækinn. Þetta kemur fram á fréttavefnum Skessuhorni.

Þar segir einnig að skógarbændur hafi verið beðnir um að gróðursetja ekki þar sem jarðvegur væri þurr. Mikill vöxtur hefur mælst á ýmsum trjátegundum í sumar, til dæmis í alaskaösp og birki.