Hannes efstur á Íslandsmeistaramótinu í skák

Stórmeistarinn Hannes Hlífar Stefánsson hélt áfram sigurgöngu sinni á Íslandsmeistaramótinu í skák en hann vann Davíð Kjartansson í fjórðu umferð, sem fram fór í gærkvöldi og hefur 3,5 vinning, vinningi meira en næstu menn. Í 2.-3. sæti koma Þröstur Þórhallsson og Stefán Kristjánsson.

Þröstur gerði jafntefli við Róbert Harðarson en Stefán við hinn unga og efnilega Hjörvar Stein Grétarsson. Dagur Arngrímsson sigraði Braga Þorfinnsson. Frí var í kvöld á Íslandsmóti kvenna. Þorvarður F. Ólafsson er efstur í áskorendaflokki.