Ronaldo í sundlaugarveislu með fimm vændiskonum

Forráðamenn Manchester United ætla að kalla sóknarmanninn Cristiano Ronaldo fyrir eftir að fregnir bárust af sundlaugarveislu sem hann hélt ásamt vinum sínum þar sem fimm vændiskonur komu í heimsókn. Þetta gerðist eftir fyrsta sigur United á Tottenham fyrr í vikunni.

Samkvæmt frásögn í breska blaðinu The Sun munu stúlkurnar hafa ferðast um 100 km í leigubíl frá Leeds til heimilis Ronaldo í einu úthverfa Manchester eftir að þeim var boðið að taka þátt í veislunni.

Stúlkurnar munu hafa skemmt sér með Ronaldo, Anderson og öðrum vinum hans í eina sex tíma í sundlauginni, nuddpottinum og nálægum búningsherbergjum.

Stúlkurnar munu hafa tekið töluvert af ljósmyndum inni á heimili Ronaldo og ein á víst í fórum sínum myndbandsupptöku af Anderson á nærbuxunum. Töluverð drykkja var í gangi allan tímann og stúlkurnar naktar í sundlauginni. Þær komu frá McKenzies Escort í Leeds.