Fyrrum kærastinn reyndi við Paris

Elisha Cuthbert, fyrrum leikkona í sjónvarpsþáttunum 24, er hætt með kærastanum sínum. Sá heitir Sean Avery og er íshokkíleikmaður. Parið hefur verið saman frá árinu 2005 en áður var Elisha trúlofuð Trace Ayala, besta vini og viðskipta­félaga Justins Timber­lake.

Vinur parsins fyrrverandi hefur nú látið hafa eftir sér að það hafi verið Elisha sem batt enda á sam­bandið. Sagan segir að Sean hafi haldið rakleitt til Paris Hilton og reynt að fá hana heim með sér af skemmtistað einum á Malibu-ströndinni í Los Angeles. Honum varð ekki kápan úr því klæðinu enda eru þær Elisha og Paris góðar vinkonur.