Mel B harðákveðin í að giftast nýja kærastanum sínum

Kryddstúlkan Mel B er svo ánægð með nýja kærastann sinn að hún ætlar að giftast honum. Sá nýi heitir Stephen Belafonte og vinnur sem kvikmyndaframleiðandi. Þau hafa þekkst í sjö ár en hafa verið saman síðan Eddie Murphy sparkaði Mel B og neitaði að hann væri faðir barnsins sem hún gekk með. Dóttirin Angel Iris er orðin þriggja mánaða gömul og Mel virðist vera að reyna að gleyma Eddie: „Stephen er stóra ástin mín og ég ætla að giftast honum. Hann er líka miklu betri í rúminu en Eddie!“ segir kryddstúlkan.

Nýi maðurinn hefur gengið dótturinni í föðurstað, enda veitir ekki af þar eð Eddie Murphy hefur aldrei haft samband. „Stephen er himnasending. Eddie hefur nefnilega ekki látið í sér heyra síðan hún fæddist. Sem betur fer hefur Stephen verið mér stoð og stytta.“