Fjórir af hverjum fimm vilja Vilhjálm burt

Ríflega 82 prósent þeirra sem tóku þátt í netskoðanakönnun Vísis telja að Vilhjálmur Þ. Vilhjálmsson eigi að standa upp úr stól borgarstjóra í kjölfar mikillar gagnrýni á störf hans í málum Reykjavik Energy Invest.

Alls tóku um 4800 manns þátt í könnuninni sem stóð frá klukkan 16 í gær til hádegis í dag og vilja 82,4 prósent að Vilhjálmur segi af sér. 17,6 prósent vilja hins vegar að hann sitji áfram. Miðað við þetta vilja tæplega 4000 þeirra sem tóku þátt í könnuninni að Vilhjálmur segi af sér.

Tekið skal fram aðeins var hægt að kjósa einu sinni í könnuninni í hverri tölvu.