Britney í heitum leik

Britney Spears virðist ekkert ætla að hægja á ferðinni með drykkju sinni og lífernið er að verða villtara og villtara með hverjum deginum. Breska götublaðið The Sun birti myndir af söngkonunni í annarlegu ástandi á New York Club One þar sem hún skellti nokkrum velvöldum tekíla-staupum í sig.

Fyrrum eiginmaður hennar, K-Fed, hefur ljóstrað því upp við fjölmiðla að undanförnu að Spears hafi mikinn áhuga á líkamlegu samneyti við konur og gaf Britney þeim sögusögnum byr undir báða vængi þetta kvöld. Söngkonan dansaði á mjög eggjandi hátt við kvenkyns dansaram, fékk að máta ansi efnislítinn fatnað nýjustu „vinkonu“ sinnar og hurfu þær síðan inn í glæsibifreið þegar nóttin var enn ung.