Apple-deilan leyst

Tölvufyrirtækið Apple hefur náð samkomulagi við Bítlana vegna deilu yfir notkun á nafninu Apple. Tölvufyrirtækið mun öðlast fullan rétt á vörumerkinu Apple. Mun fyrirtækið starfa með fyrirtæki Bítlanna og aðstoða það við áframhaldandi notkun nafnsins Apple, en á annan hátt en áður.

Deila fyrirtækjanna tveggja um nafnið hefur staðið yfir í meira en 25 ár og er henni nú loks lokið. „Við elskum Bítlana og þess vegna hefur verið mjög erfitt að vera að rífast við þá yfir þessum vörumerkjum,“ sagði Steve Jobs, forstjóri Apple.

Deilan hófst árið 1980 þegar Bítillinn fyrrverandi George Harr-ison sá auglýsingu fyrir Apple-tölvur í tímariti. Bítlarnir stofnuðu Apple-plötufyrirtækið árið 1968 og voru því á undan með nafnið.