Mamma í háhæluðum skóm

Victoria Beckham er mikið í mun að líta vel út og lætur helst ekki sjá sig á opinberum vettvangi nema hún sé klædd í spáný föt, með hárið greitt og í háhæluðum skóm. Svo virðist sem hún geri engar undantekningar á slíkri hegðan, jafnvel þegar hún fer með fjögurra ára gamlan son sinn, Cruz, í leikskólann.

Hælarnir eru heldur engin smá smíði heldur er um að ræða 17 sentímetra langa hlemma, sem hljóta að gera barnauppeldi ögn erfiðara. Þeir hindruðu Victoriu þó ekki í að halda á Cruz inn í leikskólann auk þess sem hún var með stóra tösku á sömu hendi.