Gettu betur- sérfræðingarnir mætast í 8 manna úrslitum

Um fyrstu viðureign 8 manna úrslitaSteinþór Helgi verður sá fyrsti í sögu Meistarans til að heyja sína þriðju viðureign, nú í 8 manna úrslitum. Nú þegar hefur hann lagt tvo andstæðinga af velli. Í fyrstu umferð lagið hann Erling Hansson framhaldsskólakennara og í annarri umferð - 16 manna úrslitnum - Björn Guðbrand Jónsson umhverfisfræðing. Jónas Örn sat hjá í fyrstu umferð, kom til leiks í 16 manna úrslitum og lagði þar Hauk Harðarson viðskiptafræðing. Þeir Steinþór Helgi og Jónas Örn eru báðir býsna vanir þátttöku í spurningakeppnum í sjónvarpi en báðir kepptu þeir fyrir skóla sína í Gettu betur - spurningakeppni framhaldsskólanna; Steinþór Helgi sigraði Gettu betur með Borgarholtsskóla og Jónas Örn vakti athygli fyrir frammistöðu sína með MH.

Hvor þeirra verður fyrstur til að tryggja sér sæti í 4 manna úrslitum?

Dregið hefur verið í allar viðureignir í 8 manna úrslitum. Hinar viðureignirnar eru sem hér segir:

Illugi Jökulsson-Snorri Sigurðsson

Mörður Árnason-Erlingur Sigurðsson

Inga Þóra Ingvarsdóttir-Kristján Guy Burgess

Meistarinn hefur fengið geysigóðar viðtökur síðan hann hóf göngu sína um síðustu jól. Það staðfestist í dagbókarkönnun Gallup, sem birt var á dögunum, en þar kemur fram að þátturinn er orðinn næstvinsælasti þátturinn á Stöð 2 á eftir Idol-Stjörnuleit með 41% uppsafnað áhorf meðal ákrifenda Stöðvar 2 og 21% meðal allra sjónvarpsáhorfenda á aldrinum 12-80 ára.

Einvígi upp á 5 milljónir krónaMeistarinn er alvöru spurningaþáttur, "klassískur spurningaþátt," eins og

stjórnandi þáttarins, Logi Bergmann hefur orðað það. Fréttaþulurinn Logi

Bergmann er hreint enginn aukvisi þegar kemur að því að stýra spurningaþætti en hann var stjórnandi spurningakeppni framhaldsskólanna Gettu betur við góðan orðstír í sjö ár.

Markmiðið með Meistaranum var að leiða saman til spennandi einvígis

skörpustu menn og konur landsins; jafnt þau sem þegar eru orðin landsmönnum að góðu kunn fyrir frækna framgöngu í spurningakeppnum, sem og aðra sem til stendur að uppgötva, laða fram á sjónvarsviðið. Allir sem náð hafa 20 aldursárum áttu þess kost að taka þátt. Efnt var til inntökuprófs - "Meistaraprófs" - í nóvember á fjórum stöðum á landinu, í Reykjavík, Egilsstöðum, Akureyri og á Ísafirði og var þáttaka með mesta móti. Þeir hlutskörpustu í prófinu munu mæta til leiks í Meistaranum, ásamt nokkrum af nafntogaðri gáfumönnum og spurningahaukum lansins.

Meistarinn á sér enga fyrirmyndir, er nýr og fjölbreyttur spurningaþáttur

fyrir alla fjölskylduna, sem sameina mun allt það besta sem tíðkast hefur í

vinsælum spurningaþáttum. Spennan verður í hávegum höfð og mun ekki einasta reyna á þekkingu keppenda heldur ekki síður kænsku þeirra og heppni. Spurningar eru almenns eðlis, um allt og ekkert, allt frá því að vera níþungar í að vera laufléttar. Reynir því ekki einasta á gáfur keppenda heldur ekki hvað síst á kænsku og heppni. Einn mikilvægasti liðurinn í keppninni er nefnilega sá að keppendur þurfa að velja flokka ýmist handa sér eða mótkeppanda sínum. Keppendur þurfa því að spreyta sig á flokkum sem mótkeppandi velur jafnt og hinum ýmsu mynd- og hljóðdæmum. Þurfi keppandi því að hafa heppnina sín megin og leika leikinn að kænsku til að reyna að koma andstæðingum sínum fyrir kattanef.

Sá sem krýndur verður Meistarinn eftir að hafa lagt alla keppinauta sína í

maður-á-mann útsláttarkeppni mun fá að launum 5 milljónir króna í beinhörðum peningum. Í fyrstu umferð sitja tíu manns hjá. Að fyrstu umferð lokinni þurfa þau sextán sem eftir standa að berjast upp á líf og dauða til að komast áfram í næstu umferð, rétt eins og um bikarkeppni sé að ræða.

Meistarinn er á dagskrá Stöðvar 2 á fimmtudögum kl. 20:05 og endursýndur á laugardögum kl. 16:00 og mánudögum kl. 23:00.

Hægt er að nálgast Meistarann og aðra íslenska þætti sem sýndir eru á Stöð 2, Sirkus, Sýn og NFS á Vísir VefTV visis.is

Einnig skal bent á vefsíðu þáttarins: www.visir.is/meistarinn



Þar er hægt að nálgast allar upplýsingar um keppnina og keppendur, léttir spurningaleikir í boði og síðast en ekki síst þá bloggar Logi Bergmann reglulega um keppnina, spáir í spilin og greinir frá ýmsu kræsilegu sem ekki kemur fram í þáttunum sjálfum.