Bilun hjá Símanum

Bilun á ljósleiðarakerfi Símans hefur haft áhrif víða um land á fjarskipta og ljósvakaútsendingar en búist er við því að viðgerð ljúki fyrir hádegi.

Hjá Evu Magnúsdóttur, upplýsignafulltrúa Símans fást þær upplýsingar að bilunin hafi áhrif á ADSL samband Símans á Hvammstanga. Þá næst skjár einn ekki í Hveragerði og á Selfossi, nema hjá þeim sem eru með sjónvarpsmerkið í gegnum ADSL tengingu. Þessi bilun veldur því einnig að útsendingar miðla 365 liggja niðri víða á Norður- og Austurlandi. Auk þess eru staðbundnar truflandir á útsendingu Ríkisútvarpsins á Rás eitt og tvö á Norður- og Austurlandi. Bilunin hefur til dæmis áhrif á farskiptakerfi Landhelgisgæslunnar, að sögn Evu. Bilunin varð í kerfinu síðdegis í gær en búist er við því að búið verði að gera við þessa bilun og koma öllu í samt lag nú fyrir hádegi.