86 prósent hafa ekki keypt hvalkjöt í ár

Áttatíu og sex prósent Íslendinga hafa ekki keypt hvalkjöt í að minnsta kosti ár samkvæmt nýrri skoðannakönnun sem Gallup gerði fyrir Alþjóðlegu dýraverndunarsamtökin, IFAW. Þá leiðir könnunin einnig í ljós að 64 prósent þjóðarinnar telja að eftirspurn eftir hvalkjöti innanlands sé lítil á meðan rúm 22 prósemt telja hana mikla. Í tilkynningu frá IFAW og Náttúruverndarsamtökum Íslands eru íslensk stjórnvöld gagnrýnd fyrir hrefnuveiðar sínar og hvött til þess að taka mið af þessari nýju skoðanakönnun sem sýni litla eftirspurn eftir hvalkjöti.