Keypti sér Barbie - dúkku á e -Bay

Kvikmyndaframleiðandinn Sigurjón Sighvatsson keypti Barbie - dúkkuna í peysufötunum sem Fréttablaðið sagði frá fyrir skemmstu. Dúkkan var til sölu á uppboðsvefnum e - Bay en hún var framleidd árið 1986, sama ár og Linda Pétursdóttir varð alheimsfegurðardrottning, og er úr dúkkusafni Mattel - safnsins. Dúkkan er í upprunalegum umbúðum sem aldrei höfðu verið opnaðar en henni fylgdi meðal annars vegabréf, peningar og kort af Íslandi. Kaupverðið fékkst ekki uppgefið en Sigurjón sagði þetta vera mikin merkisgrip. Örugglega ekki til margar í heiminum, segir hann léttur og vill augljóslega ekki gera mikið úr þessum kaupum sínum. Ég hef ekki enn fundið henni stað en hann verður örugglega mjög áberandi, bætir hann við og hlær.

Sigurjón er staddur hér á landi eins og flest öll sumur en hann hefur verið á fullu við að kynna kvikmyndina Zidane: Andlit 21.aldarinnar sem listamennirnir Douglas Gordon og Philippe Parreno leikstýrðu. Þeir eru tilnefndir til nýrra verðlauna, The Gucci Group Prize, sem efnt hefur verið til samhliða kvikmyndahátíðinni í Feneyjum en þau eru veitt listamönnum sem eru að reyna fyrir sér í kvikmyndagerð. Feneyjar - hátíðin er önnur mikilvægasta hátíðin í Evrópu og þetta er því ágætt, segir Sigurjón en ekki er ljóst hverjir mótherjar þeirra Gordon og Parreno verða. Kvikmyndin fer síðan á ferðalag á næstunni og verður meðal annars í Colarado í Bandaríkjunum og á Edinborgar - hátíðinni í ágúst. -fgg