Innlent

Íbúar og sumarhúsaeigendur í Árnessýslu hugi að eigum sínum

Björgunarsveitarmenn í björgunarsveitinni Eyvindi á Flúðum reyna að bjarga rúmum 100 hestum sem eru innlyska á umflotnum hæðum skammt frá bænum Auðsholti í Hrunamannahreppi. Hestarnir munu vera á þremur stöðum. Til stendur að binda þá við báta og draga á þurrt.
Björgunarsveitarmenn í björgunarsveitinni Eyvindi á Flúðum reyna að bjarga rúmum 100 hestum sem eru innlyska á umflotnum hæðum skammt frá bænum Auðsholti í Hrunamannahreppi. Hestarnir munu vera á þremur stöðum. Til stendur að binda þá við báta og draga á þurrt. MYND/A

Þrjár af fjórum almannavarnarnefndum í Árnessýslu funduðu á lögreglustöðinni á Selfossi kl. 11:30. Á fundinum sátu einnig fulltrúar Vatnamælinga og almannavarnardeildar ríkislögreglustjóra. Fyrir liggur að vatnshæð á mælum við Fremstaver hefur ekki fallið og má búast við miklu rennsli í Hvítá og Ölfusá enda mikið vatn í hliðarám. Veðurspá gerir ráð fyrir mikilli rigningu næstu daga.

Íbúar og sumarhúsaeigendur í Árnessýslu eru hvattir til að gæta að eignum sínum. Eigendur búsmala eru jafnframt hvattir til að gæta að því að ekki sé hætta á að hann verði innlyksa.

Frekari upplýsingar verða gefnar á vef lögreglunnar, logreglan.is, og í fréttatímum fjölmiðla eftir því sem þurfa þykir. Jafnframt er fólki bent á upplýsingavef Vegagerðarinnar, vegagerdin.is, og upplýsingasíma 1777 þar sem hægt er að fá upplýsingar um færð á vegum.

Mest lesið


Fleiri fréttir

Sjá meira


×

Mest lesið