Sveitarfélögin ákveða útsvar

Hlutfall tekjuskatts lækkar á næsta ári um 1% og verður 22,75%. Meðalútsvar hjá sveitarfélögunum á árinu 2007 verður 12,97% sem er það sama og í ár. Staðgreiðsluhlutfallið lækkar á næsta ári um 1% og verður 35,72%.

Sveitarfélögin geta ákveðið að hafa útsvar sitt á bilinu 11,24% til 13,03%. Af 79 sveitarfélögum ætla 61 þeirra að innheimta hámarksútsvar en 3 sveitarfélög verða með lágmarksútsvar.

Áætlað er að á árinu 2007 verði innheimtir um 165 milljarðar króna fyrir ríki og sveitarfélög með staðgreiðslu opinberra gjalda. Um 92 milljarðar króna renna til sveitarfélaga en um 73 milljarðar króna til ríkissjóðs.