85 þúsund OR-perur loga um hátíðarnar

Loga mun á um 85 þúsund perum í jólaskreytingum sem Orkuveita Reykjavíkur leggur til um jól og áramót. Fram kemur í tilkynningu frá Orkuveitunni að alls verði 67 grenitré á höfuðborgarsvæðinu skreytt og þá verða settar upp 250 skreytingareiningar eins og toppskraut á stólpum, halastjörnur og jólabjölur.

Þá má geta þess að ljósin á Óslóartrénu eru venjulega um 600 en um 8000 ljós loga þegar á trjánum sem fyrir eru á Austurvelli. Orkuveitan vonast til að allar skreytingar verði komnar upp þann 9. desember en segir ómögulegt að meta hversu margar perur brotna eða verða fyrir skemmdum þann tíma sem ljósin eiga að loga. Á hverjum morgni fram til jóla fer körfubíll um og kannar ástand allra skreytinga og verður lögð er áhersla á að öll ljós logi á öllum skreytingum um jól og áramót.