Tvær konur í efstu fjórum í NA-kjördæmi en Kristján leiðir

Samkvæmt fyrstu tölum í prófkjöri Sjálfstæðisflokksins í Norðausturkjördæmi situr Kristján Þór Júlíusson, bæjarstjóri á Akureyri, í fyrsta sæti. Arnbjörg Sveinsdóttir, þingflokksformaður Sjálfstæðisflokksins, skipar annað sætið og Þorvaldur Ingvarsson, lækningaforstjóri það þriðja. Ólöf Nordal er í fjórða sæti.

Röðin er því þessi þegar búið er að telja rúm 1.500 af 3.033 atkvæðum:

1. Kristján Þór Júlíusson - 876

2. Arnbjörg Sveinsdóttir - 770

3. Þorvaldur Ingvarsson - 778

4. Ólöf Nordal - 985

5. Sigríður Ingvarsdóttir - 861

6. Steinþór Hafsteinsson - 855

Rúm 74% þeirra sem voru á kjörskrá neyttu atkvæðisréttar síns, 3.033 af 4.089. Næstu tölur verða birtar rétt eftir 18:30, í fréttatíma Stöðvar 2. Ekki var tekið fram hversu miklu munar á atkvæðafjölda í fyrsta sætið.