Hermönnunum allar bjargir bannaðar

Þeir tæplega 500 hermenn, sem enn eru eftir í varnarstöðinni á Keflavíkurflugvelli, komast ekki lengur í sund, því sundlauginni var lokað í gær, um leið og aðal-Vallarhliðinu. Félagsheimilinu og bókasafninu var líka lokað, internetkaffinu, aðal veitingahúsinu og matvöruverslun sömuleiðis. 

ADSL tenging var tekin af , beinar sjónvarpsútsendingar felldar niður, bílaþjónustunni lokað og sjálfu aðalhliðinu inn á Varnarsvæðið sem byggt var upp fyrir nokkrum árum fyrir 130 milljonir króna. Samningaviðræðum íslenskra og bandarískra stjórnvalda um ráðstöfun mannvirkja á Vellinum og framtíðarskipan varnarmála verður farm haldið í Wasington á fimmtudag.

Þá hefur Hitaveita Suðurnesja, sem hafði langtímasamning við herinn um orkusölu til varnarsvæðisins, sent hernaðaryfirvöldum tilboð um eingreiðslu , til að ljúka samningnum, en herinn sagði samningnum einhliða upp í vor og hefur ekki verið til viðræðna um neinar bætur fyrir tekjutap Hitaveitunnar, sem nemur að minnsta kosti 400 milljónum króna á ári.