Hverfisráð Árbæjar ósátt við botthvarf stofnleiðar

Hverfisráð Árbæjar mótmælir ákvörðun Strætó Bs. að leggja niður akstur á stofnleið S5, hraðleiðinni sem þjónaði Árbænum. Ályktun þessa efnis var samþykkt á fundi hverfisráðsins í morgun og verður send borgarstjórn. Fulltrúar stjórnarflokkanna og stjórnarandstöðu í borginni voru sammála í afstöðu sinni.

Í ályktuninni segir meðal annars að með brotthvarfi hraðleiðarinnar geti Árbæingar ekki lengur komist niður í bæ án þess að skipta um strætó. Hverfisráðið bendir á að S5 leiðin tengi Árbæjarhverfið við marga helstu vinnustaði borgarinnar, auk þess sem þetta sé mikil þjónustuskerðing fyrir þá nemendur sem sækja nám sitt í framhaldsskólum og háskólum á Kringlusvæðinu og í Miðbænum.