Hæstiréttur mildar dóm í líkamsárás

Karlmaður var í dag dæmdur fyrir Hæstarétti í tveggja og hálfs árs fangelsi fyrir stórfellda líkamsárás á fyrrverandi sambýliskonu sinni. Maðurinn sló konuna margsinnis í höfuðið með felgulykli en dómnum þótti ekki sannað að maðurinn hefði ætlað að bana konunni.

Atvikið átti sér stað á heimili konunnar í ágúst á síðasta ári. Konan minnist þess að hafa fengið þungt högg á höfuðið án þess að hafa orðið vör við mannaferðir á heimili sínu árla morguns þennan dag. Þegar hún snéri sér við sá hún fyrrverandi sambýlismann sinn sem hélt á felgulykli sem hann barði hana margsinnis með í höfðuðið. Maðurinn ber við minnisleysi varðandi atburðaröð en neitar þó ekki að hafa beitt konuna ofbeldi. Maðurinn neitaði þó að hafa ætlað að verða konunni að bana eða gert tilraun til þess, líkt og honum var gefið að sök.

Í dóm hæstaréttar kemur fram að ekki þyki sannað að felgulykill sé hvorki eggvopn né teljandi að þyngd, og ekki liggi fyrir sérfræðileg gögn um hættuna, sem árás með felgulykil að vopni gæti leitt af sér. Þá sé einnig ósannað hvort maðurinn hefði áður hótað konunni mein og ásetningur mannsins væri ekki ljós. Með hliðsjón af þessu þótti hæstarétti varhugavert að telja sannað að maðurinn hefði ætlað að bana konunni með árásinni.

Héraðsdómur Vesturlands hafði áður dæmt manninn í fimm og hálfs árs fangelsi. Hæstiréttur mildaði dóminn eins og áður segir í tveggja og hálfs árs fangelsi. Maðurinn hefur setið í gæsluvarðhaldi síðan 31. ágúst árið 2005 og kemur sá tími sem hann setið í gæsluvarðaldi til frádráttar við refsinguna. Maður var auk þess dæmdur til að greiða fyrrum sambýliskonu sinni 700.000 krónur í miskabætur, auk áfrýjunarkostnað, málsvarnarlaus skipaðsverjanda síns, og þóknun réttargæslumanns brotaþola, samtals tæpa milljón króna.