Styrktartónleikar fyrir konur í Palestínu

Samstöðu- og styrktartónleikar verða haldnir fyrir konur í hertekinni Palestínu á morgun. Það eru Félagið Ísland-Palestína og UNIFEM á Íslandi standa fyrir tónleikunum.

Tónleikarnir eru upphafið að söfnunarátaki þar sem allur ágóði rennur til palestínskra kvennasamtaka sem starfa á sviði mannúðar- og mannréttindarmála á herteknu svæðunum. Húsið opnar klukkan 21.00. Tónleikarnir hefjast 21.30 og verða þeir haldnir á skemmtistaðnum Grand rokk.

Þeir listamenn sem ætla að koma fram á tónleikunum eru Reykjavík!, Future Future, Wulfgang, Seabear, og Mr. Silla

Sérhannaðir bolir og peysur frá Dead og Nakta apanum til sölu auk mynda gerða af Hugleiki Dagssyni. Einnig bolir, nælur og geisladiskar frá Félaginu Ísland-Palestína en allur ágóði af miðasölu og sölu á varningi rennur til palestínskra kvennasamtaka.