Telja þorskstofninn í Barentshafi mun stærri

Vísindamenn við VNIRO rannsóknastofnunina í Rússlandi segja að skipulagt vanmat hafi átt sér stað í mælingum Alþjóðahafrannsóknaráðsins, ICES, á þorskstofninum í Barentshafi á undanförnum árum.

Fréttavefurinn Skip.is greinir frá því að Vísindamenn við VNIRO rannsóknastofnunina í Rússlandi segja að niðurstöður mælinga þeirra bendi til að þorskstofninn í Barentshafi sé 2,56 milljónir tonna. Alþjóðahafrannsóknaráðið telur að þorskstofninn sé 1,53 milljónir tonna en Alþjóðahafrannsóknaráðið byggir á upplýsingum frá norsku hafrannsóknastofnuninni og rússneskum fiskifræðingum innan Pinro hafrannsóknastofnunarinnar í Murmansk.