Ólína mætir fyrrverandi menntaskólakennara

Ólína Þorvarðaradóttir og Erlingur Sigurðarson mætast í fimmtu viðureign 16 manna úrslita í spurningaþættinum Meistaranum sem sýndur er á Stöð 2 næstkomandi fimmtudag.

Bæði mæta þau Ólína og Erlingur til leiks í fyrsta sinn en þau sátu hjá í

fyrstu umferð. Hér verður vafalítið um hina athyglisverðustu rimmu að ræða því hér mætast tveir margreyndir uppfræðarar sem annálaðir eru fyrir víðtæka og almennu þekkingu sína. Ólína er ekki allsendis ókunn

spurningakeppnum, því hún var dómari og höfundur spurninga í Gettu betur 1999 á meðan sumir kunna að muna eftir Erlingi sem liðsmanni í

spurningaliði Akureyrarbæjar í bæjarkeppni Sjónvarpsins sem Ómar Ragnarsson stýrði svo eftirminnilega fyrir einum 20 árum síðan. Þá hefur Erlingur getið sér gott orð með þátttöku í ýmsum "minni háttar spurningakeppnum", eins og hann sjálfur orðað. Hann var í liði Karlakórsins Geysis sem unnið hefur þrefalt í vinsælli spurningakeppni Kvenfélagsins Baldursbrá og reyndi fyrir sér í spurningaþættinum vinsæla Viltu vinna milljón, sem sýndur var á Stöð 2 við miklar vinsældir fyrir nokkrum árum.

Erlingur SigurðarsonErlingur er 57 ára gamall Mývetningur, fyrrverandi kennari við MA og forstöðumaður Húss skáldsins. Erlingur tók kandídatspróf í íslensku, sagnfræði og kennslu fræði og helstu áhugamál hans eru allt mannlegt; hestar, hundar og músík.

 

Ólína ÞorvarðardóttirÓlína er 47 ára gömul og hefur löngum verið landsmönnum að góðu kunn, fyrst sem skeleggur fréttamaður, síðan sem stjórmálamaður og nú síðast sem fræðimaður en Ólína hefur doktorsgráðu í íslenskum bókmenntum og þjóðfræði. Eins og kunnugt er lét hún nýverið af starfi skólameistara Menntaskólans á Ísafirði. Sérsvið sín segir Ólína vera galdraofsóknir 16. og 17. aldar, þjóðsögur og þjóðfræði og ljóðagerð 19. og 20. aldar.

 

Þeir sem hafa tryggt sér þátttökurétt í 8 manna úrslitum eru Steinþór H. Arnsteinsson, sem lagði Björn Guðbrand Jónsson í æsispenandi viðureign í síðasta þætti, Kristján Guy Burgess, sem lagði Sævar Helga Bragason, Jónas Örn Helgason, sem lagði Hauk Harðarson og Snorri Sigurðsson sem lagði Önnu Pálu Sverrisdóttur.

Næstu viðureignir eru sem hér segir:

Mörður Árnason - Stefán Halldórsson

Illugi Jökulsson - Ágúst Gíslason

Inga Þóra Ingvardóttir - Friðbjörn Garðarsson

Meistarinn hefur fengið geysigóðar viðtökur síðan hann hóf göngu sína um síðustu jól. Það staðfestist í dagbókarkönnun Gallup, sem birt var á dögunum, en þar kemur fram að þátturinn er orðinn næstvinsælasti þátturinn á Stöð 2 á eftir Idol-Stjörnuleit með 41% uppsafnað áhorf meðal ákrifenda Stöðvar 2 og 21% meðal allra sjónvarpsáhorfenda á aldrinum 12-80 ára.



Meistarinn er á dagskrá Stöðvar 2 á fimmtudögum kl. 20:05 og endursýndur á laugardögum kl. 16:00 og mánudögum kl. 23:00.

Hægt er að nálgast Meistarann og aðra íslenska þætti sem sýndir eru á Stöð 2, Sirkus, Sýn og NFS á Vísir VefTV visir.is.

Einnig skal bent á vefsíðu þáttarins: www.visir.is/meistarinn

Þar er hægt að nálgast allar upplýsingar um keppnina og keppendur, léttir spurningaleikir í boði og síðast en ekki síst þá bloggar Logi Bergmann reglulega um keppnina, spáir í spilin og greinir frá ýmsu kræsilegu sem ekki kemur fram í þáttunum sjálfum.

Einvígi upp á 5 milljónir krónaMeistarinn er alvöru spurningaþáttur, "klassískur spurningaþátt," eins og stjórnandi þáttarins, Logi Bergmann hefur orðað það. Fréttaþulurinn Logi Bergmann er hreint enginn aukvisi þegar kemur að því að stýra spurningaþætti en hann var stjórnandi spurningakeppni framhaldsskólanna Gettu betur við góðan orðstír í sjö ár.

Markmiðið með Meistaranum var að leiða saman til spennandi einvígis skörpustu menn og konur landsins; jafnt þau sem þegar eru orðin landsmönnum að góðu kunn fyrir frækna framgöngu í spurningakeppnum, sem og aðra sem til stendur að uppgötva, laða fram á sjónvarsviðið. Allir sem náð hafa 20 aldursárum áttu þess kost að taka þátt. Efnt var til inntökuprófs - "Meistaraprófs" - í nóvember á fjórum stöðum á landinu, í Reykjavík, Egilsstöðum, Akureyri og á Ísafirði og var þáttaka með mesta móti. Þeir hlutskörpustu í prófinu munu mæta til leiks í Meistaranum, ásamt nokkrum af nafntogaðri gáfumönnum og spurningahaukum lansins.

Meistarinn á sér enga fyrirmyndir, er nýr og fjölbreyttur spurningaþáttur fyrir alla fjölskylduna, sem sameina mun allt það besta sem tíðkast hefur í vinsælum spurningaþáttum. Spennan verður í hávegum höfð og mun ekki einasta reyna á þekkingu keppenda heldur ekki síður kænsku þeirra og heppni. Spurningar eru almenns eðlis, um allt og ekkert, allt frá því að vera níþungar í að vera laufléttar. Reynir því ekki einasta á gáfur keppenda heldur ekki hvað síst á kænsku og heppni. Einn mikilvægasti liðurinn í keppninni er nefnilega sá að keppendur þurfa að velja flokka ýmist handa sér eða mótkeppanda sínum. Keppendur þurfa því að spreyta sig á flokkum sem mótkeppandi velur jafnt og hinum ýmsu mynd- og hljóðdæmum. Þurfi keppandi því að hafa heppnina sín megin og leika leikinn að kænsku til að reyna að koma andstæðingum sínum fyrir kattarnef.

Sá sem krýndur verður Meistarinn eftir að hafa lagt alla keppinauta sína í maður-á-mann útsláttarkeppni mun fá að launum 5 milljónir króna í beinhörðum peningum. Í fyrstu umferð sitja tíu manns hjá. Að fyrstu umferð lokinni þurfa þau sextán sem eftir standa að berjast upp á líf og dauða til að komast áfram í næstu umferð, rétt eins og um bikarkeppni sé að ræða.