Óskarsblogg á Vísi

Óskarsverðlaunin verða afhent við hátíðlega athöfn í Los Angeles aðfararnótt mánudagsins. Stöð 2 mun, samkvæmt venju, senda beint út frá afhendingunni sem hefst klukkan eitt að íslenskum tíma.

Þá verður vefmiðillinn vísir.is með "beina" lýsingu á verðlaunaafhendingunni en þar mun Þórarinn Þórarinsson, kvikmyndagagnrýnandi og blaðamaður á Fréttablaðinu, standa vaktina og fjalla um það sem fyrir augu ber í bloggfærslum. Fyrsta færslan birtist væntanlega fljótlega upp úr eitt eða um leið og fyrstu verðlaunin sem máli skipta, fyrir bestu leikkonuna í aukahlutverki, verða afhent. Bloggfærslurnar birtast svo með reglulegu millibili fram eftir nóttu jafnóðum og til tíðinda dregur.